ခေါင်းစဥ် (၄) ပဋိဇီဝဆေးများကို တာဝန်ယူ၍အသုံးပြုခြင်း။

ပဋိဇီဝဆေးယဉ်ပါးမှု (Antimicrobial Resistance) သည် မကြာသောဆယ်စုနှစ်များအတွင်း သိသိသာသာ မြင့်တက်လာခဲ့သည်။ ကမ္ဘာ့ကျန်းမာရေးအဖွဲ့ (WHO) ၏ အဆိုအရ လူသားများ၊ တိရစ္ဆာန်များနှင့် အပင်များတွင် ပဋိဇီဝဆေးများကို မှားယွင်းစွာနှင့် အလွန်အကျွံသုံးစွဲမှုများသည် ပဋိဇီဝဆေးယဉ်ပါးမှု မြင့်တက်လာရခြင်း၏ အဓိကအကြောင်းရင်းများဖြစ်သည်။ ထို့ကြောင့် နိုင်ငံများစွာတို့သည် မွေးမြူရေးနှင့် ရေထွက်ပစ္စည်းမွေးမြူရေးလုပ်ငန်းများတွင် ပဋိဇီဝဆေးသုံးစွဲမှုကို ကန့်သတ်သည့် ဥပဒေများကို အတည်ပြုလာကြသည်။

တစ်ချိန်တည်းမှာပင် ထုတ်ကုန်တန်ဖိုးကွင်းဆက်တစ်လျှောက်ရှိ လုပ်ငန်းများသည် ပဋိဇီဝဆေးလျှော့သုံးထားပြီး တိရစ္ဆာန်ကျန်းမာရေးနှင့် စောင့်ရှောက်မှုပိုမိုကောင်းမွန်သော တိရစ္ဆာန်အသားများအတွက် စံချိန်မြင့်မားလာစေရန် ကြိုးပမ်းလျက်ရှိသည်။ ကျွန်ုပ်တို့၏ အစာထုတ်ကုန်များဖြင့် တိရစ္ဆာန်ကျန်းမာရေးကို အထောက်အကူပြုပြီး ပဋိဇီဝဆေးသုံးစွဲမှု လျှော့ချရေးကိုလည်း အားပေးပါသည်။

ထုတ်လုပ်မှုနှင့် ရေရှည်တည်တံ့မှုကို အများအားဖြင့် သဟဇာတမဖြစ်နိုင်ဟု မှတ်ယူကြသော်လည်း အရေးကြီးသော ဆက်စပ်မှုတစ်ခုရှိသည် - ၎င်းမှာ တိရစ္ဆာန်ကျန်းမာရေးပင် ဖြစ်သည်။ ထို့ကြောင့် ကျွန်ုပ်တို့သည် မွေးမြူရေးလုပ်ငန်းရှင်များအား မွေးမြူရေးခြံ၏ စွမ်းဆောင်ရည်နှင့် ထိရောက်မှုများ တိုးတက်စေရန် ကူညီပေးခြင်းဖြင့် နောက်ဆုံးတွင် စီးပွားရေးအကျိုးအမြတ်များ ရရှိစေပြီး ပဋိဇီဝဆေးများကို ထိရောက်စွာ အသုံးပြုနိုင်စေရန် ရည်ရွယ်သည်။ ဤသည်မှာလည်း ကျွန်ုပ်တို့အနေဖြင့် ကမ္ဘာတစ်ဝှမ်းလုံးတွင် ပဋိဇီဝဆေးများကို ကာကွယ်ရေးအတွက် အသုံးပြုမှုကို ရပ်တန့်ရန် ရည်မှန်းထားရခြင်း၏ အကြောင်းရင်းဖြစ်သည်။