အထွေထွေလိုက်နာရန်အချက်များ။

• အဝင်အထွက်ကန့်သတ်ပါ။ 

  ပြင်ပမှ ရောဂါပိုးမွှားများပါလာနိုင်သဖြင့် မိမိကန်ပတ်ဝန်းကျင်သို့ ဧည့်သည်ဝင်ရောက်မှုကို တတ်နိုင်သမျှ လျှော့ချပါ။ ဝင်ရောက်ခွင့်ပြုပါကလည်း ကန်၏စည်းကမ်းများကို တိကျစွာလိုက်နာခိုင်းပါ။
  
  

• ဖိနပ်သီးသန့်ထားပါ။

  ကန်ပြင်ပစီးဖိနပ်နှင့် ကန်ထဲတွင်စီးသည့်ဖိနပ်ကိုသီးသန့်ခွဲထားပါ။
  
  

• ပိုးသတ်ပါ။

  ခြံထဲသို့ မဝင်မီနှင့်မထွက်မီ၊ ကန်တစ်ခုမှတစ်ခုသို့မကူးမီ လက်နှင့်ဖိနပ်များကို အမြဲတမ်းပိုးသတ်ပါ။
  
  

• ပစ္စည်းသီးသန့်သုံးပါ။

  ရောဂါပိုးများကူးစက်ခြင်းကိုရှောင်ရှားရန် ပိုက်ကွန်များ၊ ပုံးများနှင့်အခြားကိရိယာများကို ကန်တစ်ခုစီအတွက် သီးသန့်စီသတ်မှတ်သုံးစွဲပါ။
  
  

• နေ့စဉ်သန့်ရှင်းရေးလုပ်ပါ။

  အသုံးပြုသည့်ကိရိယာအားလုံးကို ပတ်ဝန်းကျင်ကိုမထိခိုက်စေသော ပိုးသတ်ဆေးများဖြင့် နေ့စဉ်သန့်ရှင်းစင်ကြယ်အောင်ဆေးကြောပါ။
  
  

• တိရစ္ဆာန်များ မဝင်အောင် ကာကွယ်ပါ။

  ရောဂါသယ်ဆောင်လာနိုင်သည့် ငှက်များနှင့်အခြားတိရစ္ဆာန်များမဝင်နိုင်စေရန် ပိုက်များ သို့မဟုတ် ခြံစည်းရိုးများဖြင့်ကာကွယ်ပါ။
  
  

• ရေဝင်/ရေထွက်ကို စစ်ဆေးပါ။

  ပြင်ပမှ ငါးရိုင်းများနှင့်အညစ်အကြေးများမဝင်စေရန် ရေဝင်ပေါက်၊ ရေထွက်ပေါက်များတွင် ဇကာများတပ်ဆင်ပါ။

ငါးမထည့်မီကြိုတင်ပြင်ဆင်ရန်

• ရေကိုစစ်ဆေးပါ။

  ငါးမထည့်မီ ရေသည် သန့်ရှင်းနေပြီး အောက်ဆီဂျင် ပမာဏ လုံလောက်မှု ရှိမရှိကို အရင်စစ်ဆေးပါ။
  
  

• ယုံကြည်ရသောငါးမျိုးကိုသာသုံးပါ။

  ရောဂါကင်းရှင်းကြောင်း စစ်ဆေးပြီးသားဖြစ်သော ယုံကြည်စိတ်ချရသည့် ငါးမျိုးရောင်းဝယ်ရေးထံမှသာ ကျန်းမာသောငါးများကိုဝယ်ယူပါ။
  
  

• ကျန်းမာရေးထောက်ခံချက်ကိုကြည့်ပါ။

  ကျန်းမာရေးထောက်ခံချက်မပါသော သို့မဟုတ် ရောဂါစစ်ဆေးထားခြင်းမရှိသော ငါးများကို လုံးဝ လက်မခံပါနှင့်။
  
  

• သီးသန့်ခွဲထားပါ (Quarantine)

  ငါးအသစ်များကို မူလကန်များထဲသို့မထည့်မီ ရက်အနည်းငယ်ခန့် သီးသန့်ကန်တွင်ထားရှိပြီးစောင့်ကြည့်ပါ။ လှောင်အိမ်ဖြင့်မွေးမြူပါကလည်း အခြားလှောင်အိမ်များနှင့်ဝေးရာတွင် သီးသန့်အရင်ထားရှိပါ။

ငါးမွေးမြူနေစဉ်အတွင်းဆောင်ရွက်ရန်

• ရောဂါရှိမရှိ ပုံမှန်စစ်ဆေးပါ။

  ငါးများ၏အခြေအနေကို အမြဲမပြတ်စောင့်ကြည့်ပါ။
  
  

• ရေအရည်အသွေးကို နှိုင်းယှဉ်ပါ။

  ကန်တစ်ခုနှင့်တစ်ခုကြား ရေအရည်အသွေး (အောက်ဆီဂျင်၊ အပူချိန်၊ pH၊ အမိုးနီးယား စသည်) ကွာခြားချက်များကို နှိုင်းယှဉ်ကြည့်ပါ။ ပုံမှန်ထက်ထူးခြားနေပါက ရောဂါဖြစ်တော့မည့် ရှေ့ပြေးလက္ခဏာဖြစ်နိုင်ပါသည်။
  
  

• ငါးအမူအကျင့်ကို ကြည့်ပါ။

  ငါးများ စာစားနှုန်း၊ အမူအကျင့်၊ ခန္ဓာကိုယ်ပေါ်ရှိ ဏ်ရာများနှင့် အလုံးစုံကျန်းမာရေးအခြေအနေကို စောင့်ကြည့်ပါ။
  
  

• အင်္ဂါအစိတ်အပိုင်းများကိုစစ်ဆေးပါ။

  ငါးနမူနာများကိုဖမ်းယူပြီး ပါးဟက်၊ အရေပြားနှင့်အချွဲများတွင် ကပ်ပါးပိုး ရှိမရှိ စစ်ဆေးပါ။
  
  

• ငါးငယ်များကို ပြန်မထည့်ပါနှင့်။

  ငါးမှုန်/ငါးသန်လေးများကို ဖမ်းယူစစ်ဆေးပြီးပါက ကန်ထဲသို့ ပြန်မထည့်ပါနှင့်။ ၎င်းတို့သည် စိတ်ပန်းသွားပြီး ရောဂါကူးစက်နိုင်ခြေ ပိုများသွားသောကြောင့် ဖြစ်သည်။
  
  

• မှတ်တမ်းစနစ်တကျထားပါ။

  ငါးအသေအပျောက်၊ ဆေးကုသမှုနှင့် ငါးရွှေ့ပြောင်းမှု မှတ်တမ်းများကို သေချာရေးမှတ်ထားခြင်းဖြင့် ပြဿနာများကို စောစီးစွာ သိရှိနိုင်မည် ဖြစ်ပါသည်။
  
  

ငါးများ၏ ဇီဝလုံခြုံရေးဆိုင်ရာလမ်းညွှန်ချက်များ၊ ငါးရောဂါများကိုခွဲခြမ်းစိတ်ဖြာခြင်းများ သို့မဟုတ် ကန်အတွင်းသို့ ငါးထည့်သွင်းရာတွင်လိုက်နာသင့်သည့်အချက်များ အတွက် ကျွန်ုပ်တို့၏ကျွမ်းကျင်ပညာရှင်များနှင့်ဆက်သွယ်လိုက်ပါ။