နောင်လာမည့်အနာဂတ်မျိုးဆက်များအတွက်တာဝန်ယူပေးခြင်း။

တိရစ္ဆာန်အစာအာဟာရများကိုထုတ်လုပ်လျက်ရှိသည့်မိသားစုပိုင်လုပ်ငန်းတစ်ခုအနေဖြင့် De Heus သည် ဘေးကင်းပြီးကျန်းမာရေးနှင့်ညီညွတ်သောအစားအစာများရေရှည်တည်တံ့စွာ ထုတ်လုပ်နိုင်ရေးအတွက် ကြီးမားသောပံ့ပိုးကူညီမှုများကိုလည်းပြုလုပ်ပေးလျက်ရှိနေပါသည်။  
De Heus သည်တစ်ကမ္ဘာလုံးတွင်လျင်မြန်စွာတိုးတက်လာလျက်ရှိသည်နှင့်အမျှ တာဝန်ယူမှု၊ တာဝန်ခံမှုများသည်လည်းကြီးမားလာလျက်ရှိနေသည်ကိုသတိပြုမှုပါသည်။ ထို့ကြောင့် ကျွန်ုပ်တို့သည်ကျွန်ုပ်တို့၏ဖောက်သည်များ၊ လုပ်ဖော်ကိုင်ဖက်များ၊ ဒေသခံအသိုင်းအဝိုင်းများနှင့်သဘာဝပတ်ဝန်းကျင်အတွက်တန်ဖိုးများဖန်တီးရန် ဖြေရှင်းချက်များအားဖော်ထုတ်ရာတွင်တက်ကြွစွာပါဝင်ဆောင်ရွက်ပေးနေပါသည်။ 

ကျွန်ုပ်တို့အနေဖြင့်လွန်ခဲ့သည့် (၂) နှစ်အတွင်း အစားအစာထုတ်လုပ်ခြင်းဆိုင်ရာအဆင့်များတွင်ရေရှည်တည်တံ့ခိုင်မြဲသည့်ဖွံ့ဖြိုးတိုးတက်မှုများဖြစ်စေရန်အတွက် သိသာထင်ရှားသည့်ခြေလှမ်းများကိုလည်းဆက်တိုက်လုပ်ဆောင်လျက်ရှိပါသည်။ 

အရေးကြီးသောအခိုက်အတန့်မှာ (၂ဝ၂ဝ) ခုနှစ်တွင် ကျွန်ုပ်တို့၏ကမ္ဘာလုံးဆိုင်ရာရေရှည်တည်တံ့ခိုင်မြဲမှုပရိုဂရမ်ဖြစ်သော "တာဝန်ယူမှုအပြည့်ရှိသောအစားအစာများထောက်ပံ့ခြင်း" အစီအစဉ်ကိုစတင်မိတ်ဆက်နိုင်ခဲ့ခြင်းပင်ဖြစ်သည်။ အဆိုပါအစီအစဉ်၏အဓိကရည်ရွယ်ချက်ကတော့ De Heus တည်ရှိရာကမ္ဘာ့နိုင်ငံအသီးသီးတွင် ယင်းနိုင်ငံများ၏ ဒေသတွင်းဈေးကွက်များနှင့်လူမှုအသိုင်းအဝိုင်းများတွင်ပိုမိုမြင့်မားကောင်းမွန်သည့် တန်ဖိုးနှင့်အကျိုးသက်ရောက်မှုများကိုဖန်တီးထူထောင်နိုင်စေရန်ဖြစ်သည်။ 

"တာဝန်ယူမှုအပြည့်ရှိသောအစားအစာများထောက်ပံ့ခြင်း" အစီအစဉ်သည် De Heus ၏ လုပ်ငန်းဆောင်တာများနှင့်ကျွန်ုပ်တို့လုပ်ဆောင်နေသည့် အစားအစာထုတ်လုပ်ရေးကွင်းဆက်များတွင်ကျွန်ုပ်တို့၏ရပ်တည်ချက်ကိုလွှမ်းခြုံထားသည့် မဏ္ဍိုင်လေးခုအားမီးမောင်းထိုးပြလျက်ရှိပါသည်။ ၎င်းမဏ္ဍိုင်လေးခုမှာ (၁) အစာကောင်းများကိုထုတ်လုပ်ပေးခြင်း။ (၂) ရေရှည်တည်တံ့မှုရှိစေမည့်ထောက်ပံ့ရေးကွင်းဆက်။ (၃) ဝန်ထမ်းများအားပြုစုပျိုးထောင်ပေးခြင်း။ (၄) လူမှုအသိုင်းအဝန်းအားမြှင့်တင်ပေးခြင်းတို့ဖြစ်ကြပါသည်။ 

တစ်ကမ္ဘာလုံးအတိုင်းအတာဖြင့်ရင်ဆိုင်ခဲ့ရသော ကိုဗစ် (၁၉) ကပ်ရောဂါဖြစ်ပွားနေသည့်အချိန်အကာလအတွင်းမှာပင် ကျွန်ုပ်တို့အနေဖြင့်အွန်လိုင်းအလုပ်ရုံဆွေးနွေးပွဲများကိုကျင်းပပြုလုပ်ကာ"တာဝန်ယူမှုအပြည့်ရှိသောအစားအစာများထောက်ပံ့ခြင်း" အစီအစဉ်ကိုနိုင်ငံအသီးသီးရှိ De Heus လုပ်ငန်းခွင်များတွင်စတင်အကောင်အထည်ဖော်ဆောင်ရွက်နိုင်ခဲ့ပါသည်။ 

အဆိုပါအစီအစဉ်နှင့်ပတ်သတ်ပြီး ဝန်ထမ်းများနှင့်ဆက်စပ်လျက်ရှိသောလူမှုအသိုက်အဝန်းများထံမှစိတ်အားထက်သန်သည့် တုံ့ပြန်မှုများကိုပြန်လည်ရရှိခဲ့သည့်အပြင်ရေရှည်တည်တံ့မှု၏အဓိပ္ပာယ်ကိုတစ်ကမ္ဘာလုံးအတိုင်းအတာအားဖြင့်ပြောကြားပေးနိုင်ခဲ့ပါသည်။ ကမ္ဘာ့နိုင်ငံအသီးသီးရှိ De Heus လုပ်ငန်းခွင်များက Royal De Heus ၏ ရွေ့လျားနေသည့် ဦးတည်ရာကိုပုံဖော်ရန်အတွက်ကမ္ဘာလုံးဆိုင်ရာရည်မှန်းချက်များကိုဖော်ပြနိုင်စေခဲ့ကြပါသည်။ 

 ဤအရှိန်အဟုန်သည် (၂ဝ၂၁) ခုနှစ် မတ်လတွင် Royal De Heus ၏ပထမဆုံးကမ္ဘာလုံးဆိုင်ရာရေရှည်တည်တံ့မှုထိပ်သီးအစည်းအဝေးကိုဖြစ်စေခဲ့သည်။ ဤလေးရက်ကြာ virtual ထိပ်သီးအစည်းအဝေးသည် မွေးမြူရေးလုပ်ငန်းနှင့်ပတ်သက်သည့် အပြင်းထန်ဆုံးရေရှည်တည်တံ့ခိုင်မြဲမှုဆိုင်ရာ စိန်ခေါ်မှုလေးခုအကြောင်း အုပ်စုမှလုပ်ဖော်ကိုင်ဖက်များနှင့် ဒေသတွင်းစီးပွားရေးယူနစ်များအကြား ပွင့်လင်းစွာဆွေးနွေးမှုကို အထောက်အကူဖြစ်စေခဲ့သည်။ ၎င်းတို့မှာ (၁) ပဋိဇီဝဆေးများ လျှော့ချရေး၊ (၂) ပဲပိစပ်များကိုရေရှည်ထုတ်လုပ်သွားနိုင်စေရန်ဂရုပြုဆောင်ရွက်ခြင်း၊ (၃) ကာဗွန်ဒိုင်အောက်ဆိုဒ်ထုတ်လုပ်မှုလျှော့ချခြင်း၊ (၄) ဒေသခံတောင်သူများ ၎င်းတို့၏လုပ်ငန်းကို ဖွံ့ဖြိုးတိုးတက်အောင်ကူညီရန်ကျွန်ုပ်တို့၏ကြိုးပမ်းပေးခြင်းစသည်တို့ဖြစ်ကြပါသည်။ 

လုပ်ဖော်ကိုင်ဖက်များသည်ဒေသတွင်းအမြင်များကိုဖလှယ်ခဲ့ကြပြီးဦးစားပေးမှုများချမှတ်ကာ အဆိုပါစိန်ခေါ်မှုများကို ပေါင်းချဉ်းကပ်ရန် ခွင့်အလမ်းများကိုဖော်ထုတ်ခဲ့ကြပါသည်။ Royal De Heus ၏ CEO များဖြစ်ကြသော Co နှင့် Koen De Heus တို့နှင့်အတူကျွန်ုပ်တို့သည် Global Green Goals လေးခုကိုချမှတ်နိုင်ခဲ့ပါသည်။ ယခုလောလောဆယ်တွင် အစားအစာထုတ်လုပ်ခြင်းဆိုင်ရာလုပ်ငန်းတွင်ရင်ဆိုင်ရလျက်ရှိသည့် အကြီးမားဆုံးရေရှည်တည်တံ့မှုဆိုင်ရာစိန်ခေါ်မှုများအတွက်ကျွန်ုပ်တို့၏အဖြေများကိုသတ်မှတ်နိုင်ခဲ့ကြပါသည်။ 

ကျွန်ုပ်တို့၏သဘာဝပတ်ဝန်းကျင်ကိုထိခိုက်မှုမရှိစေဘဲအစားအစာများကိုထောက်ပံ့ပေးနိုင်စေမည့်မူဝါဒများကိုဆက်လက်အကောင်အထည်ဖော်ဆောင်နိုင်စေရန်အတွက် (၂ဝ၂၂) ခုနှစ်တွင် ကျွန်ုပ်တို့၏အဖွဲ့အစည်းတစ်ခုလုံးကိုအခြေခံမှစတင်ပြီးတိုင်းတာမှုများပြုလုပ်သွားမှာလည်းဖြစ်ပါသည်။  

အဖွဲ့အစည်းတစ်ခုလုံး၏ကတိကဝတ်များနှင့်စပ်လျဉ်း၍ ကျွန်ုပ်တို့၏စွမ်းဆောင်ရည်နှင့်တိုးတက်မှုကို ခြေရာခံမည်ဖြစ်သောကြောင့် တိကျသေချာသည့်ပစ်မှတ်များကိုရွေးချယ်သတ်မှတ်လုပ်ဆောင်သွားပါမည်။ 

တစ်ချိန်တည်းတွင်ပင် ကျွန်ုပ်တို့၏အဖွဲ့အစည်းအပြင်ဖက်မှ ဖွံ့ဖြိုတိုးတက်မှုများကလည်းကျွန်ုပ်တို့ကိုပိုမိုကြိုးစားဆောင်ရွက်အောင်တိုက်တွန်းပေးလျက်ရှိနေပါသည်။ ကျွန်ုပ်တို့နှင့်လက်တွဲလုပ်ကိုင်လျက်ရှိသောမိတ်ဖက်များအနေဖြင့်လည်း ကျွန်ုပ်တို့၏လုပ်ငန်းခွင်ဆိုင်ရာကာဗွန်ဒိုင်အောက်ဆိုဒ်ထုတ်လုပ်မှု၊ သဘာဝပတ်ဝန်းကျင်နှင့်လူမှုရေးဆိုင်ရာတာဝန်ယူမှုများကိုလည်း ပိုမိုသိရှိလေ့လာနိုင်စေမှာဖြစ်ပါသည်။ ဒါ့ကြောင့် ဥရောပယူနီယံမှ သတ်မှတ်ထားသည့်ရေရှည်တည်တံ့ခိုင်မြဲမှုဆိုင်ရာညွန်ကြားချက်များတွင်လည်း ၂ဝ၂၃ ခုနှစ်တွင် စတင်ပြီးအသက်ဝင်လာမှာဖြစ်ပါသည်။ 
 
စဉ်ဆက်မပြတ်ဖွံ့ဖြိုးတိုးတက်မှုသည် အစားအသောက်ထုတ်လုပ်ရေးကွင်းဆက်တစ်လျှောက် ပါဝင်လုပ်ကိုင်နေကြသူများအား ချိတ်ဆက်ပေးနိုင်သည့်ဘုံပါဝင်သောလမ်းကြောင်းတစ်ခုဖြစ်စေပါသည်။ ဆိုလိုသည်မှာ လူသားများ၊ ကမ္ဘာမြေကြီးနှင့် ကုန်ကျစရိတ်များအကြားအပေးအယူပြုလုပ်ခြင်းကိုဆိုလိုခြင်းဖြစ်ပါသည်။ ရေရှည်တည်တံ့ခိုင်မြဲသည့်အစားအစာထုတ်လုပ်ခြင်းလုပ်ငန်းစဉ်တစ်ခုကိုဖော်ဆောင်ရာတွင်လုပ်ကိုင်ရသည့်လုပ်ငန်းစဉ်များသည် အခြားသောကမ္ဘာတစ်ဖက်ခြမ်းမှာတော့အဆင်မပြေနိုင်သည့်အခြေအနေမျိုးဖြစ်ကောင်းဖြစ်နိုင်မှာပါ။ ယခုကဲ့သို့သောအစီအစဉ်များကိုအကောင်အထည်ဖော်ရာတွင် အခြားသောကုမ္ပဏီများ၊ မိတ်ဖက်စီးပွားလုပ်ကိုင်သူများနှင့်ပူးပေါင်းဆောင်ရွက်ခြင်းမှသည် ပိုမိုကောင်းမွန်သောတွန်းအားများကိုရရှိစေပြီး အားလုံးပါဝင်နိုင်သည့်ဖြေရှင်းနည်းများကိုပိုမိုသေချာစွာဖော်ဆောင်နိုင်စေပါသည်။ အထူးအားဖြင့် စိုက်ပျိုးရေးလုပ်ငန်းရှင်များမှသည်မွေးမြူရေးလုပ်ငန်းရှင်များအပါအဝင်အစာထုတ်လုပ်သည့်နိုင်ငံများမှအစာဝယ်ယူသုံးစွဲရသည့်နိုင်ငံများအထိကိုရည်ရွယ်ထားခြင်းဖြစ်ပါသည်။ 

ကမ္ဘာ့ကုလသမဂ္ဂမှချမှတ်ထားသည့် စဉ်ဆက်မမြတ်ဖွံ့ဖြိုးတိုးတက်ရေးရည်မှန်းချက်များနှင့်အညီကျွန်ုပ်တို့၏ကမ္ဘာလုံးဆိုင်ရာရည်မှန်းချက်များကိုဖော်ဆောင်လျက်ရှိနေပြီး (၂ဝ၃ဝ) ခုနှစ်အရောက်တွင်အဆိုပါရည်မှန်းချက်များကိုအကောင်အထည်ဖောက်ဆောင်ရွက်ပြီးဖြစ်နေမည်ဟုယုံကြည်မျှော်လင့်ထားပါသည်။