တာဝန်ခံမှုအပြည့်ရှိသောအစာထောက်ပံ့ခြင်း
ကျွန်ုပ်တို့၏ကမ္ဘာလုံးဆိုင်ရာရှေရှည်တည်တံ့မှုဦးစားပေးအစီအစဉ်များ
ကျွန်ုပ်တို့၏တာဝန်ယူမှု တာဝန်ခံမှုအပြည့်ရှိသော အစာထောက်ပံ့ခြင်းအစီအစဉ်။
Responsible Feeding program သည် ကျွန်ုပ်တို့လုပ်ဆောင်နေသည့်အစားအစာထုတ်လုပ်မှု ထောက်ပံ့ရေးကွင်းဆက်များအတွင်းတန်ဖိုးများနှင့်အကျိုးသက်ရောက်မှုများကိုရေရှည်တည်တန့်ခိုင်မြဲစေရန်ရည်ရွယ်ပြီး ဖန်တီးပြုလုပ်ထားသည့်အစီအစဉ်တစ်ခုဖြစ်ပါသည်။
အထက်ပါ အစီအစဉ်သည်ကျွန်ုပ်တို့၏ကမ္ဘာလုံးဆိုင်ရာလုပ်ငန်းခွင်တစ်ခုအနေဖြင့်သာမက စီးပွားရေးလုပ်ငန်းစုတစ်ခုအနေဖြင့်လည်း အခွင့်အလမ်းများနှင့်လုပ်ရှားမှုများကိုဦးစားပေးလုပ်ဆောင်နိုင်စေပါသည်။
မဏ္ဍိုင် (၄) ခုဖြင့်အဆိုပါအစီအစဉ်အားဖန်တီးတည်ဆောက်ထားပါသည်။
၎င်းတို့မှာ အစားအသောက်များအတွက်အစာများ၊ ရေရှည်တည်တံ့ခိုင်မြဲသောထောက်ပံ့ရေးကွင်းဆက်၊ ကျွန်ုပ်တို့နှင့်ဆက်စပ်လျက်ရှိနေသည့်လူမှုအသိုင်းအဝိုင်းများကိုကူညီထောက်ပံ့ပေးခြင်းနှင့်ဝန်ထမ်းများအားအဖက်ဖက်မှဖွံ့ဖြိုးတိုးတက်လာစေရန်ကူညီအားပေးခြင်း စသည့်အချက်များပါဝင်ပါသည်။
Thwe Thwe Myint Aung (Rachel)
Sustainabililty and Business Development Manager
သဘာဝပတ်ဝန်းကျင်ဆိုင်ရာမေးခွန်းများအတွက်
Rachel နှင့်ဆက်သွယ်နိုင်ပါသည်။အစာကောင်းများကို ထုတ်လုပ်ခြင်း
ဒီဟက်စ် အနေဖြင့် စိတ်ချ၍ ကျန်းမာရေးနှင့်ညီညွှတ်သည့် တိရစ္ဆာန်များအတွက် ပရိုတင်းအားဖြည့်စာများ ထုတ်လုပ်မှုကို တိုးမြှင့်ရာတွင် ကျွန်ုပ်တို့၏ သုံးစွဲသူများ၊ လုပ်ငန်းလက်တွဲဖော်များနှင့် ပူးပေါင်း၍ တိရစ္ဆာန်များကျန်းမာရေးကောင်းမွန်စေရန် ဆောင်ရွက်လျက်ရှိပါသည်။ ဗဟုသုတ အသိပညာများ ဝေမျှခြင်းနှင့်အတူ တိရစ္ဆာန်အစာများကို အသားဓာတ် ပရိုတင်းပြည့်ဝစေရန်ဆောင်ရွက်မှုများ မွေးမြူရေးသမားများ၏ စီးပွားရေးလုပ်ငန်းများကို ကျွမ်းကျင်စွာလုပ်ကိုင်နိုင်ရန် ဆောင်ရွက်လျက်ရှိပါသည်။ ကျွန်ုပ်တို့အနေဖြင့် ရေရှည်တည်တံမှုရှိစေရန် ထုတ်လုပ်ထားသည့် စိတ်ချရ၍ အသားဓာတ်ပြည့်ဝသော အစာများရရှိနိုင်စေရန် ပံ့ပိုးဆောင်ရွက်လျက်ရှိပါသည်။
Feed For Food (အစာကောင်းများကို ထုတ်လုပ်ခြင်း) တွင် အစားအစာလုံခြုံမှု၊ အစာပြောင်းလဲခြင်း၊ တိရစ္ဆာန်များ ကျန်းမာရေး၊ ဇီဝဓာတုပစ္စည်းများ လျော့ချခြင်း နှင့် ဘေးထွက်ပစ္စည်းများအလေလွင့် မရှိအောင် အသုံးပြုခြင်းတို့ပါဝင်ပါသည်။
ရေရှည်တည်တံ့မှုရှိသည့် ထောက်ပံ့ရေးကွင်းဆက်
ကျွန်ုပ်တို့အနေဖြင့် ကုန်ကြမ်းမှ အစာအဆင့်ထုတ်လုပ်ရေးအထိ ရေရှည်တည်တံ့မှုရှိသည့် ထောက်ပံ့ရေးကွင်းဆက်ဖြစ်လာစေရန် လုပ်ငန်းလက်တွဲဖော်များ၊ အစာသုံးစွဲသူများနှင့် အတူတကွ လက်တွဲလုပ်ဆောင်လျက်ရှိပါသည်။ ထို့အပြင် ကျွန်ုပ်တို့၏ အဓိကလုပ်ငန်းလက်တွဲဖော်များနှင့် ပူးပေါင်း၍ ဖန်လုံအိမ်အာနိသင်ဓာတ်ငွေ့ထုတ်လုပ်မှု လျော့ချရေး၊ သဘာဝအရင်းအမြစ်များအား ထိရောက်စွာအသုံးပြုခြင်း၊ မွေးမြူရေးနည်းလမ်းများနှင့် စီးပွားရေးအယူအဆ အသစ်များ တိုးတက်မှုရှိလာစေရန် ဆောင်ရွက်လျက်ရှိပါသည်။ Sustainable Supply Chain (ရေရှည်တည်တံမှုရှိသည့် ထောက်ပံ့ရေးကွင်းဆက်) ခေါင်းစဉ်အောက်တွင် ကုန်ကြမ်းများ၏မူလဇစ်မြစ်၊ ရာသီဥတု၊ စွမ်းအင်သုံးစွဲမှု၊ ဖန်လုံအိမ်အာနိသင်ဓာတ်ငွေ့၊ ရေအရင်းအမြစ်နှင့် ညစ်ညမ်းမှု၊ သက်ရှိဝန်းကျင်၊ ဇီဝမျိုးကွဲများနှင့် တိရစ္ဆာန်များ သက်သာစွာ အသက်ရှင်နိုင်မှုတို့ပါဝင်ပါသည်။
လူမှုအသိုင်းအဝန်းအား မြှင့်တင်ပေးခြင်း
ကျွန်ုပ်တို့အနေဖြင့် ဒေသတွင်းရှိ လူမှုအသိုင်းအဝန်းနှင့် ၎င်းတို့၏ စီးပွားရေးများတိုးတက်လာစေရန် အကျိုးသက်ရောက်မှုရှိ၍ အပေါင်းလက္ခဏာဆောင်သည့် ဆောင်ရွက်ချက်များနှင့်အတူ ဒေသတွင်း စွန့်ဦးတီထွင်မှုကိုပါ ထောက်ပံ့လှုံ့ဆော်မှုများ ဆောင်ရွက်လျက်ရှိပါသည်။
ကျွန်ုပ်တို့ဆောင်ရွက်ချက်များမှတစ်ဆင့် ဒေသတွင်းတွင် စီးပွားရေးနှင့် လူမှုရေးဆိုင်ရာ တန်ဖိုးများ ပါဝင်လာစေရန် လုပ်ဆောင်ပါသည်။ စွန့်ဦးတီထွင်နည်းလမ်းများ အသုံးပြုသည့် မွေးမြူရေးသမားများနှင့် ၎င်းတို့မိသားစုများ၏ စွမ်းရည်တိုးတက်လာရန်နှင့် စီးပွားရေးအခြေအနေ အားကောင်းလာစေရန် ဆောင်ရွက်လျက်ရှိပါသည်။ Fostering Community (လူမှုအသိုင်းအဝန်းအား မြှင့်တင်ပေးခြင်း) တွင် အောက်ပါ အချက်များပါဝင်ပါသည်။ ဥပမာ- နေထိုင်မှုအဆင့်အတန်း၊ ပညာရေး၊ လူမှုဝန်ဆောင်မှု၊ အခြေခံအဆောက်အဦးနှင့် စွန့်ဦးထီထွင်ခြင်း တို့ဖြစ်သည်။
တိုးတက်အောင်မြင်သည့် ဝန်ထမ်းများဖြစ်လာစေရေး
ကျွန်ုပ်တို့သည် ဒီဟက်စ်ဝန်ထမ်းများကို ဘဝတစ်သက်စာ လေ့လာသင်ယူနိုင်မှုကို ထောက်ပံ့ပေးထားခြင်း၊ စိတ်ချ၍ တက်ကြွသည့်လုပ်ငန်းခွင်ဖြစ်လာစေရန် ဆောင်ရွက်ထားပါသည်။ အဆိုပါ ဝန်ထမ်းများအား စွမ်းရည်မြှင့်မားရေးမှတစ်ဆင့် လူမှုအသိုင်းအဝန်းသို့ အကျိုးသက်ရောက်မှုများကို ဖြစ်ပေါ်လာစေပါသည်။
Thriving Employee (တိုးတက်အောင်မြင်သည့် ဝန်ထမ်းများဖြစ်လာစေရေး) တွင် လုပ်ငန်းခွင် အခြေအနေများ၊ လုပ်ငန်း ပတ်ဝန်းကျင်၊ အလုံးစုံပါဝင်နိုင်မှု (ဥပမာ- မတူညီကွဲပြားမှု၊ လုပ်ငန်းဆိုင်ရာ ကျွမ်းကျင်တိုးတက်မှု နှင့် ခေါင်းဆောင်မှု) တို့ဖြစ်ပါသည်။
ကျွန်ုပ်တို့ရင်ဆိုင်နေရသော စိန်ခေါ်မှုများအကြောင်း ပိုမိုလေ့လာပါ။
ကမ္ဘာ့စားနပ်ရိက္ခာထုတ်လုပ်မှုကို ရေရှည်တည်တံ့အောင် ဘယ်လိုမြှင့်တင်မလဲ
အသေးစိတ်ပိုမိုသိရှိလိုပါသလား
